Ган хайруулын таваг нь хийн, цахилгаан, шилэн керамик болон индукц зэрэг бүх төрлийн плиткенд ашиглах боломжтой.

Зэвэрдэггүй ган тавгийн гадаргуу хүйтэн байх үед бичил нүх сүв нь илүү нээлттэй байдаг тул хоол амархан наалддаг. Харин хайруулын таваг халмагц металл тэлж, гадаргуу жигдэрснээр наалдац багасна. Иймээс 1–3 минут орчим дунд гал дээр урьдчилж халаагаад, дараа нь тосоо хийж халмагц хоолоо хийх нь хамгийн зөв дараалал юм. Дусал ус тавганд хийж үзэхэд жижиг бөмбөлөг болон гулсаж байвал тохирсон температурт хүрснийг илтгэнэ.

Ган хайруулын таваг дээр төмөр хусуур аль болох хэрэглэхгүй байх нь зөв.
Хэдийгээр ган таваг бат бөх ч төмөр хусуур нь гадаргууг зураас үүсгэж, гангийн бүтцийг өөрчлөх мөн өнгө үзэмжийг муутгах эрсдэлтэй. Иймээс модон, силикон эсвэл хуванцар хэрэгсэл ашиглах нь илүү тохиромжтой.

Ган хайруулын тавагийг аяга таваг угаагч машинд угаахыг зөвлөдөггүй.
Угаагч машины өндөр халуун ус, хүчтэй саван нь тавагны гадаргууг зураас үүсгэж, зэвэрдэггүй ган тавагийн өнгө хувирах эрсдэлтэй. Тиймээс гар аргаар, зөөлөн сойз болон халуун усаар угаах нь илүү аюулгүй бөгөөд удаан эдэлгээтэй байдаг.

Ган хайруулын тавгийг шарах шүүгээнд хийж болно. Ингэхдээ Зэвэрдэггүй ган (stainless steel) таваг нь 250–260°C хүртэл тэсвэртэй байдаг.

Ган хайруулын таваг ашиглах явцад их утаа гарвал энэ нь ихэвчлэн тос хэт өндөр халсан, тавгийг удаан хугацаанд хоосон халаасан, эсвэл хэт өндөр гал дээр халаасан зэрэг шалтгаанаас үүсдэг.

Ган хайруулын тавагны гадаргуу нь ямар нэгэн бүрхүүлгүй учраас өндөг шарахад тодорхой хэмжээнд наалдаж түлэгдэх эрсдэлтэй. Тиймээс тавгийг урьдчилан дунд зэргийн гал дээр халааж, бага зэрэг тос хэрэглэн, өндгийг шарах нөхцөлд аль болох бага наалдаж, жигд шарагдана.

Улаанбаатар хот болон орон нутгийн хүргэлт нь үнэ төлбөргүй бөгөөд 24 цагийн дотор хүргэгдэнэ.